Plantun de Prouvènço

Pèr coumpara dos planto d'encò nostre

Pistia stratiotes & Pimpinella tragium

Pistia stratiotes

Araceae

Nom en français : Laitue d'eau.

Descripcioun :
La lachugo-d'aigo es uno planto à l'óurigino d'Americo troupicalo e devengudo subretroupicalo. Se pòu trouba à la fin de l'estiéu e à l'autouno de poupulacioun fugidisso, mai de cop que i'a impourtanto, en ribo de Rose o peréu aiours. Aquesto planto, pleno d'aigo e d'èr, passo pas, urousamen, li fre de l'ivèr. Autramen se recounèis eisa à si gròssi fueio pelouso e espesso que dounon un pau d'èr à li d'une lachugo o d'un caulet-vert. Fai bijarre de vèire aquésti planto nadeja sus l'aigo.

Usanço :
La medecino poupulàri indiano se n'en sèrt pèr sougna li malautié de péu : rasco, chancre sifiliti, fleiroun... En Chino, contre la raumido (eczéma). Apounden qu'es impourtado pèr l'aquarioufilìo.

Port : Erbo
Taio : 10 à 15 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Pistia
Famiho : Araceae

Ordre : Alismatales

Coulour de la flour : Verdo
Petalo : ges
Ø (o loungour) enflourejado : 1 cm
Flourido : Printèms

Sòu : Ca
Autour basso e auto : 0 à 30 m
Aparado : Noun

Liò : Aigo - Ribiero
Estànci : Termoumediterran
Couroulougi : Subretroupicalo
Ref. sc. : Pistia stratiotes L., 1753

Princineto(-de-roucas)

Pimpinella tragium

Apiaceae Umbelliferae

Nom en français : Boucage tragium.

Descripcioun :
Aquesto pimpinello trachis sus li roucas cauquié ounte ié flouris l'estiéu. Sèmblo proun à la pimpinello, Pimpinella saxifraga, pamens se recounèis à sis óuviero e si fru pelu e cendrous (fotò), e tambèn à si fueio descoupado en caire.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 0,1 à 0,6 m
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Pimpinella
Famiho : Apiaceae
Famiho classico : Umbelliferae

Ordre : Apiales

Coulour de la flour : Blanco
Petalo : 5
Ø (o loungour) flour : 3 mm
Flourido : Estiéu

Sòu : Ca
Autour basso e auto : 0 à 1200 m
Aparado : Noun
Juliet à avoust

Liò : Roucas - Esboudèu - Baus
Estànci : Mesoumediterran à Mountagnard
Couroulougi : Mediterrano-Touranienno
Ref. sc. : Pimpinella tragium Vill, 1779

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Pistia stratiotes & Pimpinella tragium

ges

Coumpara Lachugo(-d'aigo) emé uno autro planto

Coumpara Princineto(-de-roucas) emé uno autro planto